САКРАМЭНТ СУЖЭНСТВА (ШЛЮБ)

Бог стварыў мужчыну і жанчыну па свайму вобразу і падабенству і паклікаў іх перадаваць наступным пакаленням новае жыццё як плён узаемнай любові сужэнцаў  і як праяўленне любові  Бога Творцы. Ад пачатку  гісторыі  чалавецтва  сужэнства  было  святым  саюзам, а Хрыстус нават узвысіў яго да годнасці сакрамэнту.

У сакрамэнце сужэнства мужчына  і  жанчына  заключаюць саюз  для  супольнага жыцця, а таксама  атрымліваюць  Божую  ласку  для  належнага  выканання  сужэнскіх  абавязкаў, а асабліва  для  добрага  выхавання  патомства.

Сужэнства  ўзнікае  пасля  заключэння  сужэнскага  пагаднення,  праз якое  сужэнцы  аддаюць  сябе  адно  аднаму:

Я,  N.  (імя), бяру  цябе, N. (імя), за  жонку (мужа)  і  прысягаю табе  любоў, вернасць і сужэнскую  павагу,   і  тое,  што  не  пакіну  цябе  аж  да  смерці. Няхай дапаможа мне ў гэтым Бог усемагутны ў Тройцы адзіны і ўсе святыя.

Асобы,   якія  хочуць  заключыць  сужэнскі  саюз,  павінны  памятаць,   што  сужэнства, заключанае ў Касцёле, з'яўляецца непарыўным. Тыя, хто заключае сужэнства, павінны быць  у  стане  асвячальнай  ласкі,   г. зн. пасля  споведзі  і  Св. Камуніі.Сужэнская любоў праяўляецца  ў  прывязанасці, у павазе, у клопаце пра матэрыяльны дабрабыт, пра здароўе цела  і  душы ў  сумесным  сужэнскім  жыцці. Св. Павел піша так:

«Муж няхай аказвае жонцы належную любасць; падобна ж і жонка мужу. Жонка не ўладная  над  сваім целам, алемуж; таксама  і  муж  неўладны  над сваім  целам, але жонка. He ўхіляйцеся  адно  ад а днаго,  хіба  па  згодзе,  на  час,  каб  быць  у  пасце і малітве,    а    потым   ізноў   будзьце   разам,    каб   не   спакушаў   вас   шатан    праз няўстрыманасць  вашу» (пар. 1 Кар 7, 3-5).

Малітва перад шлюбам

Пане Божа, наш Ойча, Ты пажадаў,  каб  мы самі  ўзаемна  ўдзялілі с абе  гэты святы сакрамэнт шлюбу перад Тваім абліччам, перад Касцёлам, перад роднымі і знаёмымі.

Сакрамэнт   сужэнства  злучыць  нас  на  ўс ё жыццё.   Няхай  усемагутны  Бог адорыць нас ласкаю,  каб тое,  што  нашыя  вусны  будуць вымаўляць, сталася прынцыпам усяго нашага жыцця - любоў і вернасць ажно да смерці. Няхай Бог злучыць нас, няхай Ён заўсёды будзе з намі, каб з гэтага моманту мы супольна праслаўлялі  Яго  і  дасканала  служылі  Яму заўсёды  і ўсюды:  у маладосці  і ў старасці,  у  здароўі  і  хваробе,  у  дастатку  і  бядзе,  у шчасці  і  няшчасці.

Ha Цябе, Божа, мы спадзяёмся, Ты - наш Бог, у Тваіх руках наш лёс. Адары нас Тваім супакоем, якога не можа даць нам свет.

Маці Найсвяцейшая, Маці Езуса і  наша  Маці,  няхай  Тваё  Сэрца  апякуецца нашымі сэрцамі.  Табе  даручаем  наша  супольнае  жыццё,   нашыя  клопаты, цярпенні і радасці. Выпрасі  для  нас  у  Пана  Бога ласку,  каб  пасля  нашага супольнага  зямнога вандравання мы сталі ўдзельнікамі вечнага вяселля ў Богу.  Амэн.

Малітва пасля заключэння шлюбу

Божа, наш Ойча, сённяшні дзень асабліва радасны для нас,  і  за гэтую радасць мы вельмі ўдзячныя Табе. Праслаўляем  Тваю  айцоўскую  апеку  і  з  глыбіні сваёй душы кажам: «Няхай будзе праслаўлена імя Тваё, Пане, бо Ты добры, бо навекі  міласэрнасць Твая». Няхай  гэты дзень радасці  нагадае нам пра вечную радасць, да якой мы імкнёмся і якая як узнагарода за  жыццё, згоднае з Тваёю воляю, ніколі не будзе адабрана.  Амэн.